Ko'êre ipohyivéanga hekove ijati'y ári
imbeguéma iguata ha ipukuve ikokue rape
Ahecha ijuku'a hy'ái hykue ijazada ipópe
itapỹime ojeve kane'õngue ka'aruete
Ha'e ndohechaukái hasykatúrõ sapy'ánte
ni aipo tekotevê ombojoháramo ichupe
ha'énte oisu'upa irokueta kirirîhápe
anianga hogaygua ojepy'apy araka'eve
Techaramo hypýpe, lekaja, che purahéipe
toroñañuãmi ha tahetû pe nde syva
Hetaitéma ty'áipe rejahu ore rayhupápe
reimégui tenondénte omimbi ore rape
