Mitã okaragua rovaky'ami
Ha'e ipynandi ha naipiñuahãi
Kuarahy ohapy pe ipire kyrỹi
Purahéi he'ê pe ipuka resãi
Mitã okaragua mba'apokuaa
Ko'ê ha ituvamíndie kokue oitypeka
Ha'e oka'api ha ojetavy'o
Yvýrupi oho arandu reka
Mitã okaragua ma'ê rerovia
Tupã guasuete tanderovasa
Pe nde rekove potî tovy'a
Terehupity ne mba'epota
Mitã okaragua, che retã poty
Che ñe'ã mbytégui roguerorory
Nde sy rayhupápe ndery'aisyry
Rehechahag̃ua chupe opukavy
Mitã okaragua, chéko ndeichaite
Tapỹi'imiguýpe ha'ararecha
Ha hi'ãnte chéve chemitã jey
Pe avatitýre ndéicha aikohag̃ua
Mitã okaragua, nde yvy Paraguái
Oreko nde pópe ha'e iko'êrã
Nde pyapy tajýre ojehaitypo
Guarani retã mbarete jajái
