Wel het nait van vrouger 'n durp of 'n stad
'n Noam dij joe 'n haile bult zegt
Doar speulde je as kind in joen wereldje klaain
'l Dreumend kom je doar voak terecht
Veur d'ain is 't Ol-Pekel, Nij-Scheemde, Zuudbrouk
Veur d'aander is 't Beem, Menskeweer
Of Sodom, Veendam, Hoogezand of Delfziel
't Ol stee dat vergeet je nait weer
refrain:
Vrouger, vrouger
Wat gaait de tied toch vlug
Pas as ie older worden
Ja, din komt alles terug
't Geluk van joen jeugd goa je loater pas zain
Dus aiglieks bin je altied te loat
En as ie aargens binnen en 't woord vrouger dat vaalt
Din kom je as snel aan de proat
Toen smouk 'n glas ranja as nou jus d'orange
Hing 't nijsblad van 't Noorden op de plee
Op zundag 'n poar sauskes, dat waren onze chips
Ja aiglieks waren we hail gaauw tevree
Ik zulf kom oet Lains, mit de Wier en Diekstil
Verhildersum, d'iesboan en sturt
Mor 'k zit op de proatstoul, dat zel 'k joe bespoaren
Want ik kom toch al tied tekurt
Toun aten we nog povverd en bonen oet de weck
Selvera's die zongen nog live
Toun zeden wie nait:
Je bent me d'r een
Wie zeden gewoon:
Bist 'n slaif
