Bira si
Di dia pa noti e parsi li
E ba ta muda padaz padaz
Pasadu um tempu e ka bai mas
Kontenti pa nha mai
Ma ku sodadi nha pai
Ta buska intendi es novu etapa
Dum stranhu dentu kasa
Na iniciu era bunitu
Bejinhu xeiu karinhu
Ma mi mas um fidju
Ki Dios po na si kaminhu
Ka mutu dura
Si oliar muda
Ti ki ta gurgunham korpu
Ndizuspera
Ndizorenta
Nfitxa koraju
Nbotal na klaru
Nta txora nta jura e ka ta ceta
Mi ki fika ku fama di redenta
Dipos di tantu sufri pasa mal
Se pe fulia si sorti ki Dios dal
E komesa ta menxem
Desdi pikinoti
Ma tinda e ta bem
Tudu dia di noti
