Es kre muda-m k'é pa N parsê
N ten ki ten tude, mi nada N ten
Si for presize N ta sofrê
Skulpa-m pur N ser ken ki mi é
Nha kara ten ki stóde tapóde
Nha korpe ten ki stóde tude moldóde
K'é si N ta valê
N ka podê ser tokóde, stóde mi so é marióde
Ke si nau mi n'é amdjer
Ma kondê, kondê, kondê
Bzote oiá ke isensial é vivê
Ma kondê, kondê, kondê
Ants morrê d'u-ke ser ken ke N ka é
Es kris pa N andá, N korrê
N da d'Elly kris tra-m nhe spei
Si N fla mintira mi é bzote amige
Ke si N fla verdade mi é un prige bzote kunfiá na mi
Es ta kondena-m ma jente n'é inosente
Tentá muda-m é perda di tenpe, N ka sabê finjí
Ten kes é ki ta aplaudi-m, ma na kósta es ti ta rí
N tomá bo, N ka traí de melhor di mi, ih-ih-ih-ih
Ma kondê, kondê, kondê (ma kondê)
Bzote oiá ke isensial é vivê
Ma kondê, kondê, kondê (ma kondê)
Ants morrê d'u-ke ser ken ke N ka é
Oh, no no, no no no, hm-hm
Ma kondê, kondê, kondê (ma kondê)
Bzote oiá ke isensial é vivê
Ma kondê, kondê, kondê (ma kondê)
Ants morrê d'u-ke ser ken ke N ka é
[Depoimento da Tchinda Andrade]
Mi é Tchinda Andrade, pronte, mi é naside na Sonvisente
N fui primera travésti di Sonvisente i di Kabverde
Kónde N asumí na Sonvisente, foi 1997, n'altura N tinha 18 anu
Na 98, undê ke N fui eleita a miss, a primera Miss Travesti de Sonvisente i di Kabverde
Un Spanhol uví fla txeu di mi, na Europa
Es ben li, es ben konhesê-m
Kónde es konhesê-m, es fzê-m un prupósta si N pudia
Si es pudia fzê un trabói sobri minha vida, u-k'é ke N ta fazê na sosiedade
U dukumentári foi li ke foi gravóde, li ke no tró-be el
Mi más mnina de zona, N fazê un karnaval li so pa kriansa, ki mi [?] kriansa
Nton da la, de la di kel gravason, di kel dukumentári sobri minha vida, N tive txeu susés
N tive na Ilhas Kanárias tanbê i N tive na Mérka, mas prisizamenti na New York
Undê ke N ba tmá un Oscar
Prekonseite senpre ten, senpre, senpre, senpre
Alves un psoa ta fzê-be, ta diskriminó-be sen alves, sen es tmá fê
Ma pa bo, bo vivê flis, bo ten ke sabê stóde, bo ten ki da pa psoa u-k'é ke bo é
Bo podê pensá na psoa, oji u-ke a psoa sta ba dzê, u-ke a psoa sta ba falá? Nau
Mi móda é mi, mi N ta otxá si N ka tava asumí N ta vivê inflis
Minha flisidade, de nha psoa! Nton, kel-la é [?]
Bo ten, bo flisidade bo ke ten ke sabê faze-l, i bo respeitá psoas pa psoas podê respeitó-be tanbê
