A no ta vivi num tempo cheio di guentis discunfiados
Qui dja ca ta cunfia na proprios guentis di familia
Amigos divididos pa opinions di tabua rasa
Ques encontra scavacado, la na fundo curral di vaca
Bô opinion ê quel qui teni mas valor
Conhecimento passa pa facto alternativo
Importanti goci, ê so cuspi pa fora
Papinha pre-mastigado, farelo num boca mal-treinado
Linguiça de terra hoje em dia ê tamarindo
Porque Gege fla ma el comel ku malagueta
Porque mais importante ê papia sem pensamento
Julgamento sem tempero, pedrejamento na praça publica
Pissoas cansa di credita num ideal
Na fraternidade, na ruspeto, na liderança
Porque es manta ki nu tene na cabeça
Ê un snacki pa guloso, queijo suíço pa traça cume
Tanto violencia ideológica qui ta perfura nos vida
Tanto pensamento escatologico ta canibalizá nos lida
Tanto carne pa canhão pa subi renda nem qui dos porcento
Tanto pobre ta ser pobre porque pobre tem ser só pobre
Snacki pa guloso
Snacki pa guloso
Snacki pa guloso
Queijo Suíço pa traça cumi
