Greja di osianu, N ten nha fe na bo
Óki N kanta-bu N po duedju na txon
Kanta Lagoa, Kanpu i Fijan d'Agu
Pa N ben raza n'altar di Pobason
Kanta Lagoa, Kanpu i Fijan d'Agu
Pa N ben raza n'altar di Pobason
Djabraba, térra di mórna ma flor
Djabraba, nha dosi jardin di amor
Djabraba, alégri kuma un surrizu
Ki Nhordés da se benson
P'el transforma-bu bu txon nun kantu di paraízu
Djabraba é puru sima un rapariga
Nun palmanhan ta sunha ku algen
Vila é se róstu frésku i murénu
Ma kurasan sta pulsa la na Lén
Vila é se róstu frésku i murénu
Ma kurasan sta pulsa la na Lén
Djabraba, ó, dosi mai di nha mai
Djabraba, ken ki al dixa-bu p'el bai?
Djabraba, ritratu fiel di séu
Térra di mórna ma flor
Ta nasê baxu kalor na odjus di nha kretxeu
Djabraba, ó, dosi mai di nha mai
Djabraba, ken ki al dixa-bu p'el bai?
Djabraba, ritratu fiel di séu
Térra di mórna ma flor
Ta nasê baxu kalor na odjus di nha kretxeu
