N kria podê andá na rua pa tude jente oiá-m
Ke es primavéra ta bnite lá fóra
I inkuante sol tive ta brilhá
Un nove dia ten ke batê na pórta
Mai el so na kaza, úniku fidje de saída
Ta preokupóde é se se fidje ta uza prezervative
Pa mai fidje ka ta kria, ta mantê tude piknin
Será ke nha fidje ta drete? Hun, el ka ta durmí
Tónte koza na se kabésa ke el ka ta podê ptá fóra
El ka ten présa ma tudóra ta spiá na óra
Inpasiente ta sperá pa un mau notísia
E ta rezá pa is ser bo fidje ta na plisa
K'é fásil de rezolvê, o poloménus más fásil
K'é piór el ka ta guentá ke se korasãu é frájil
I el ta velha, ta enxide de imosãu
So na ramede k'é pa podê baxá-l se tensãu
Derapente tlefón ta toká, korasãu na mô
Xávena já largá-l, kafé ta na txon
Un alô friu, ta sperá pa un notísia grave
Mai é mi, abrí pórta ke N ka levá xave
N kria podê andá na txuva i ka moiá
Ke es tenpestade ta forte lá fóra
I enkuante vente ka pará de soprá
Mau notísia ten buleia tê pórta
Mai el so na kaza, se fidje já ta na street
Ta preokupóde ke pa ela el ka devia ter saíde
Ela ten txeu mede, es rua ta perigoze
I el konxê-l drete, el sabê manera ke el é nervoze
Ela kria-l ku tude sforse ma já no konxê es jóvens
Rebeldia kónde ses mai kre so p'es da óm
El ten dôs fidje, mas es lenbrá-l más de se maride
E ke moré a três ón atras na trabói la pa Madrid
E ten ke kriá-s el so, dés' ke el feká viúva
Mas es más grande ta kada vês más kabésa dura
El lenbrá kel dia ke el levá-l pa ospital
Ote semana deriba k'el bá beská-l na poste pulisial
Derapente móvel ta toká, korasãu na mô
Xávena já largá-l, kafé tá na txon
Un alô friu segide de u-ke ke ti ta kuntesê
Dona Bia, N ka sabê nen kóm kontá bosê
N kria podê andá na núven i ka rolá
Es tenpestade ta fei li debóxe
I enkuante dog tiver ta reiná
Mau notísia ten buleia tê pórta
