ka hura tangata uta te tiaki ki tangata tai
ka hura tangata tai te tiaki ki tangata uta
te korepe nui te korepe roa
te wahiawa te totoe awa
whakamoe ko tū ko rongo ko te awa me ko wai
kauraka tama e puritia, tukuna atu a tama kia puta ki waho i te tāwhangawhanga he putanga ariki nō rongo i te atatauira
mai e te taketake nui o kahukura
he moana i rokia!
ka hura i uta ka hura i tai e
te korepe nui te korepe roa te wahiawa
nau mai e tāne ka haere tāua
i te moana nui i te moana roa ki aotearoa
hurunuku ātea parawera nui e
tahu-mawake, tahu-mākaka nui e
he tia he tia he ranga he ranga
he kura wawawawai he kura wawawawai taku waka
hoea te moananui a kiwa ki uta rawa ra
tāne i runga tangaroa i raro
uea te waka runaia te waka he mōwai rokiroki
aio i runga he aio ukiuki
ka whiti te marama tīramarama ana te ika i te rangi
puanga, autahi e
tautoru, rehua, kōpu, matariki e
he tia he tia he ranga he ranga
he kura wawawawai he kura wawawawai taku waka
hoea te moananui a kiwa ki uta rawa ra
hoea te moana nui te waka tipua tauira mai tawhiti
tauira mai tawhiti e
