mai runga ki raro, mai i te whitinga mai o te rā ki te ao mārama
mai anō, maiea, mai i te kunenga mai o te hua ki te hā tangata
mihimihia, kawekawea, mākona
(he atua, he tangata, he atua, he tangata hi!)
korōria, whakanuia, hei oranga
(he atua, he tangata, te aroha e hi!)
taku mana tiketike taku mana māori e
i ahu mai i te atua, i ahu mai i ōku tīpuna, i ahu mai i te whenua, te moana e hi!
taku ihi, taku wehi, taku wanawana
maioro, maea, maiangiangi he māia tū rangatira inā mōrearea
miharo, maioha, he tāonga te reo, te ao he mokopuna te oranga
mihimihia, kawekawea, mākona
(he atua, he tangata, he atua, he tangata hi!)
korōria, whakanuia, hei oranga
(he atua, he tangata, te aroha e hi!)
taku mana tiketike taku mana māori e
i ahu mai i te atua, i ahu mai i ōku tīpuna, i ahu mai i te whenua, te moana e hi!
taku ihi, taku wehi, taku wanawana
ko au taku mana ko taku mana ko au
(taku ihi, taku wehi, taku wanawana)
ko au te whenua, te whenua ko au
(taku ihi, taku wehi, taku wanawana)
ko au te moana, te moana ko au
(taku ihi, taku wehi, taku wanawana)
ko au taku mana, ko taku mana ko au
korōria, whakanuia!
