Makambo mosusu bakoka ko expliquer yango te oh
Témoignage mosusu okoyeba ndenge ya kobandela te oh
Likambo yango na Yesu eh, sekele yango na Tata na mwana eh
Moto na moto na litatoli na ye eh, oyo yanga litatoli yango oyo
Nakomaki lokola mwasi aza na zemi
Sánzá libwa azo bota te oh
Nani akitisa ngai mokumba naza na'ango oh
E collé na ngai na nzoto eboyi kotika ngai ye eh
Nakomaki lokola moto akoti zamba
Abungi nzela ya kobima eh
Nani alakisa ngai nzela mpona na bima eh
Miso mpe ezomona malamu te eh
Somo na ngai lokola esclave aza ko tourner
Tout autour ya maitre na ye
Kino asenga liberté na ye
Po motema na ye efanda kimia
Kombanga na ngai lokola sentinelle
Azozela tongo etana azua kimia
Mpo mokumba azua na vie na ye
Akengela mpo moyibi akota te
Kombanga lisusu lokola bébé
Azolela tango nionso eh
Bongo maman aluka pasi aza na'ango
Po monganga abikisa muana eh
Pasi etingami na nzoto eh ma
Wapi mongongo oyo elekisa biloko ngai eh
Nzoto ekomi ko décevoir elamba ya kolata wowo oh
Wapi monoko nakangisa pasi na ngai eh
Nani yango nayebisa bapasi na ngai eh
Avocat aza wapi a plaidé pona pasi na ngai eh
Ah juge aza wapi akatela nga likambo eh
Po pasi eboyi kotika ngai eh
Ah, moyibi to liwa ya nini eyiba to eboma bapasi na ngai etika ngai bomoyi
Soins intensifs ekoma ekomaki mbeto na ngai ya libela eh
Prof nini apesa ngai mateya ya kokima pasi ya molimo eh
Monganga nini asala ngai opération ya pasi ya molimo eh
Motuka pe mpepo nini emema ba pasi na ngai mosika na ngai eh
Masuwa pe lokalo nini ebuaka bapasi na ngai na lubuaku eh
Volcan to mopepe nini eh Yaya eh
Rivière mpe mbonge nini emema bapasi na ngai esika elingi êê
Mafuta to pe savon nini na pakola na longola bapasi na ngai eh
Kiti pe mbeto nini na lala natikela ye bapasi na ngai eh
Eh Yaya eh, Yaya eh, Yaya na ngai eh oh
Ah eh pasi eboyi kotika ngai eh
Bapasi ezingaki ngai nayokaki solo ya liwa yeye
Ngai nakomaki na suka pasi eyokisaki ngai liwa yeye êê
Nzoka Yesu Klisto mosungi ya kokamua eh
Akufaki pona biso tobika oh ma
Amemaki mikumba na biso mpo tozua liberté
Liberté na ngai, liberté na ngai eh, liberté na ngai eh
Yesu Klisto Liberté na ngai eh ma
Ah Yesu Klisto Liberté ya famille na ngai wowo oh
Ah Yesu Klisto Liberté ya Congo oh
Ah Yesu Klisto, ah Yesu Klisto eh ah eh
Liberté na ngai oh
Okokuta ngai maboko na moto nazozela liberté na ngai eh
Ah ngai natie mabolongo na se nazo zela liberté na ngai ekoka eh
Nasimbi motema na ngai, liberté oza wapi eh
Ah liberté na ngai eh, liberté na ngai eh
Yesu liberté oza wapi
Likama, likama nandimaki te ekokomela ngai boye
Ekokomela ngai boye
Ah Yesu Klisto, ah Yaya ya baleki eh
Ah liberté na ngai eh, Yaya oza wapi eh
Yesu Klisto liberté
