mei heit is a scheana tåg de sunn hoazt richtig he såg de ella trink ma draußt en gåchtn an kaffee håst recht såg de melitta kimm stell glei es wåssa zua i ruaf daweil de hilla ån weil de wåcht sicha schoa de hilla hebt in nu åb weil sie håt aggrat schoa gwåcht und wia s da teife håbn will håt sie gråd an nudl gmåcht glei drauf läut draußn ba da haustie no de annegret und damit is hiatz endlich de kaffeepartie komplett nehma ma de schalala und stell ma s auf de tellala und wånn de ella schnella wa wa n de schalala nid laa in gåchtn is idyllisch und en bauan seine ross de steahnt schoa hintan gåchtnzaun und wåchtn scheints auf wås und rund um an kaffeetisch jågt oa schmäh de nächste gschicht es werdnt hålt so wia jedn tåg de gånzn leit ausgricht auf oanmål steaht de hilla auf såg sie muas kuchz wohin und kam i sie in haus drei wecht schoa herzogn üba sie es hoaßt da ella ihr kaffe der wa heit seltn guat und dass da nudl va da hilla nid zan fressn tuat nehma ma de tellala und tråg ma s za de fillala wånn s zoig a nur van billa war warn de tellala ra laa und wia de hilla zruckkimmt is da gånze nudl weg sie siehcht nid wia r s es fillei no en schlåg van fellei schleckt åls nächste muaß de ella auße und glei drauf wecht gwiß dass ihr kaffe sist nix åls wia r a grausigs gschlåda is de annegret is seltn bled hoaßts wia sie auße geaht und de melitta hätt so guate freind går nid vadeant und die moral von dera gschicht jå mei wås sollt i sågn wånns d leit ausrichtn willst muaßt oft a groaße blåsn håbn nehma ma de schalala und stell ma s auf de tellala und wånn de ella schnella wa wa n de schalala nid laa
