<< Kui miä kazvolin kanainõ,
Nõizin neito noorikkõinõ, >>
<< Vijjee velloo veerüeez,
Kuuvve velloo kukkazõn, >>
Seittsemee däädää nõjallõ,
Kahõssõmõõ minnää natonnõ,
Vellet sirkutõttii sizossi,
Vellää naized naossi,
Isä kuttsu kullõssi,
Maama ehto lahzõssi,
Muu pere muruu kukassi.
Makazin rohkaap muita,
Tein tüütä vähep muita,
Tsäin tsüläz rohkaap muita,
Sistsi kuuluzin kunniaasõõ.
Menin marja muilõõ mailõõ,
Kana muilõõ kallailõõ.
Tsäin tsüläz vähepii muita,
Makazin vähepii muita,
Tein tüütä enepii muita,
Sistsi en kuulu kunniaasõõ.
Nimi tõinõ muutõttii,
Perkeleessi kutsuttii.
<< Kui miä kazvolin kanainõ,
Nõizin neito noorikkõinõ, >>
