Stu vico niro nun fernesce maje
e pure 'o sole passa e se ne fuje,
ma tu stai llà, addurosa, presa a''e stelle.
Carmela, Carmè!
Tu chiagne sulo si nisciuno vede
e strille sulo si nisciuno sente,
ma nun' è acqua 'o sanghe dint''e vvene.
Carmela, Carmè!
Si ll' ammore è 'o cuntrario d''a morte,
e tu 'o ssaje,
si rimane surtanto speranza,
e tu 'o ssaje,
nun me può fà aspettà fin'a dimane,
astrigneme 'int''e braccia
pe' stasera.
Carmela, Carmè!
Ma tu stai llà, addurosa, presa a''e stelle.
Carmela, Carmè!
Ma nun' è acqua 'o sanghe dint''e vvene.
Carmela, Carmè!
Si ll' ammore è 'o cuntrario d''a morte,
e tu 'o ssaje,
si rimane surtanto speranza,
e tu 'o ssaje,
nun me può fà aspettà fin'a dimane,
astrigneme 'int''e braccia
pe' stasera.
Carmela, Carmè!
Carmela, Carmè!
