Sentimentu lébi, sábi parse sen fin
Korason ta tenpra ku djetu k'u ta suri-m
Bo primeru, nha primeru, nha primeru amor
É bo primeru, nha primeru, nha primeru amor
Éra minina mas bunita di nha skóla
Pa el ki N skreve nha primeru vérsu
I sinplisidadi nha frenti di un Krióla
Primeru bes ki N xinti amor na petu
Diskrétu pamó N sabia ma staba sedu
N troka di kartera pa N pode xinta se pértu
Sen troku na kartera, N tinha so nh'amor na petu
Nen N ka ta kridita, tinha tudu pa da sértu
Ma du nada, bu familia viaja
Abo la na altura i nos amor na txon sen aza
Dés ki bu baza, munti ben pa mi
Ma nenhun ka prenxe kel vaziu ki bu dexa li
Uns prumete fika, ma es baza dipos di un briga
Otus foi so konplika, munti briga ku amigas
Ten otus até ki fika, ma nen nu ka tinha kímika
I ten kes ki ta voltaba, ma éra so pamodi fízika
N ta fla-u klaru, u pode ti ka ntende-m
N ta gradese pa ti oji N ka ta sértu ku ningen
Kel poku di dinheru li ku fama ka muda-m
Pode da-m fala ók'u meste-m dja bu sabe undi bu ta atxa-m
Sentimentu lébi, sábi parse sen fin
Korason ta tenpra ku djetu k'u ta suri-m
Bo primeru, nha primeru, nha primeru amor
É bo primeru, nha primeru, nha primeru amor
Es ta txoma-m di PNC
Famílias ta txoma-m óki es kre algu di mi
N te labels ta txoma-m, ta txoma-m ku propósta
N ten bo ta txoma-m di vólta é si ki N gosta (love it)
Nu konxe désdi pikinóti ma sentimentu grandi
Bo na sul, ami na nórti, ma nunka distanti
Nha odju brilhanti óki N sa bu dianti
Un amor mi ku bo, un amor, dôs amanti
Sentimentu antigu vintage
Nu prumete nkontra na nos vinti i
Nha sentimentu nunka minti i
É kel mé ki bu ta xinti i
Nha odju ka ta disfarsa, bunita sen manha
Ku afro ók'u transa, N odja-u na ganga
Salta pa-u bisti kalsa, ténpu da vólta prasa
Tudu rial, ka farsa
Amor ku amor si paga
Nu ka debe kunpanheru nada
Es sentimentu ka ta paga
Pamó nu ka debe kunpanheru nada
Sentimentu lébi, sábi parse sen fin
Korason ta tenpra ku djetu k'u ta suri-m
Bo primeru, nha primeru, nha primeru amor
É bo primeru, nha primeru, nha primeru amor
Nha primeru amor
É bo primeru, nha primeru, nha primeru amor
É bo primeru, nha primeru amor
Ei, ei, ku bo N ka ta fadja, N ta pasa limiti di mundu so pa N pode da-u
Ku bo ki N kre kaza, N ta pasa nha vida interu so pa N prova-u
So pa N pode da-u, ei, so pa N ben mostra-u
So pa N pode da-u, da-u, da-u, da-u, e-e-ei
So pa N pode da-u
