Nos fésta bodóna, Fésta Banderóna
Pega na xaner kaba na feverer
Fésta brinkadera ki nesê na rubera
Na ténpu sabura, n'anu di fartura
Mandióka kaskadu déntu tagaróna
Kaleron finkadu la na kintalóna
Karni di kapadu na kórda pindradu
Ku tusin pikadu na bitron kortadu
Xeren ku bodéku déntu panelóna
Fijon kongu séku kubértu ku lóna
Limária maradu, distinu markadu
Sokeru ramangadu ku faka npunhadu
Fésta pupular, Santu na altar
Misa i orason pa kunpri tradison
Na bórta i rabórta di plamanhan sédu
Rudiadu na pórta di ka nhu Alfredu
Bandera di tardi pilon ku baxon
Pega kanizadi mara pe ku mô
Txiga óra di bóti ku mastru finkadu
Kolexa te noti fugeti puxadu
Tudu tanboreru, tudu kabaleru
T'obi mensajeru sinhor Kordidjeru
La riba di patu di ka nhu Mulatu
Djon ku Dumingóna ta ronka bonbóna
Nun sala djuntadu gentis ramunhadu
Ku toka trankadu, mulata nbrasadu
Badju rafugadu di talaia baxu
Na fésta sagradu di Kanpana Baxu
Nos fésta bodóna, Fésta Banderóna
Pega na xaner kaba na feverer
Fésta brinkadera ki nesê na rubera
Na ténpu sabura, n'anu di fartura
Mandióka kaskadu déntu tagaróna
Kaleron finkadu la na kintalón'
Karni di kapadu na kórda pindradu
Ku tusin pikadu na bitron kortadu
Xeren ku bodéku déntu panelóna
Fijon kongu séku kubértu ku lóna
Limária maradu, distinu markadu
Sokeru ramangadu ku faka npunhadu
Fésta pupular, Santu na altar
Misa i orason pa kunpri tradison
Na bórta i rabórta di plamanhan sédu
Rudiadu na pórta di ka nhu Alfredu
Bandera di tardi pilon ku baxon
Pega kanizadi mara pe ku mô
Txiga óra di bóti ku mastru finkadu
Kolexa te noti fugeti puxadu
Tudu tanboreru, tudu kabaleru
T'obi mensajeru sinhor kulbidjeru
La riba di patu di ka nhu Mulatu
Djon ku Dumingóna ta ronka bonbóna
Nun sala djuntadu gentis ramunhadu
Ku toka trankadu, mulata nbrasadu
Badju rafugadu di talaia baxu
Na fésta sagradu di Kanpana Baxu
