Cerasella

Aurelio Fierro

Mellune appíse, 'nzèrte 'e pummarole,
na pianta 'e rose tènnera e gentile,
a 'o viento na cammisa e doje lenzole:
Chist'è 'o balcone tujo, tu chesta si'.

Cerasella, Cerasè'
dint'o tiempo d'e llimone mme rialaste nu schiaffone.
Cerasella, Cerasè'
mo ch'è 'o tiempo d'e ccerase tu mme vase.

Si' limone, si' cerasa,
sott''o sole ca te scarfa te faje doce.
Si fa friddo, si' na mela
e ll'ammore, dint'o core te se ge-e-la.

Cerasella, Cerasè'
vola e dice 'sta canzone:
"Pe' ll'asprezza 'e 'sta passione
'o core mio se fa limone".

E tienatello ll'agro e damme 'o ddoce
ca nun te pòzzo dí quanto mme piace,
si no se perde 'o core, 'o sonno e' 'a voce
e campo juorne amare a suspirá.

Si' limone, si' cerasa,
sott''o sole ca te scarfa te faje doce.
Si fa friddo, si' na mela
e ll'ammore, dint'o core te se ge-e-la.

Cerasella, Cerasè'
vola e dice 'sta canzone:
"Cu nu schiaffo e nu schiaffone
si' cerasa e si' limone".

Si' cerasa, si' limone.
Cerasella, Cerasè'!
Editar playlist
Apagar playlist
tem certeza que deseja deletar esta playlist? sim não

Momentos

O melhor de 3 artistas combinados