Otonu txiga ku txuba i béntu
I nha pensamentu staba na bo
Un invérnu ku lágrimas traze-m sodadi
Di seténbru, o, ki N pasa ku bo
Ka sa pasa, ténpu ka sa pasa
Fórti N teni gana di odja-u na bus odjus
Perta-u na nha petu
Ka sa pasa, dias ka sa pasa
Ami N kre volta
Ma será ki bu sa ta spera pa mi?
O, primavéra
Pamodi ki veron sa dura tantu asin pa txiga?
Leba-m nha téra, nkontra nha korason
Ki na seténbru N dexa pa tras
Fórti gana ki N ten di odja-u
Munti bejus ki N ten pa N da-u
Abo é tudu ki N kria agóra pa N ka larga nunka más
Nha bebe, mi N ka kre perde-u
Fla-m si bo tanbe sa duê-u
Fla-m si bo tanbe bu ta txora
Déntu mi sa ta duê dimás
Siparadu pa óndas di mar
Distinadu a torna inkontrá
N sabe ma un dia, N sabe ma un dia
Sedu o tardi nu ta torna inkontrá
O, primavéra
Pamodi ki veron sa dura tantu asin pa txiga?
Leba-m nha téra, nkontra nha korason
Ki na seténbru N dexa pa tras
(A kada dia más) Ami N kre-u
(A kada dia más) N meste-u
(A kada dia más) N ten sertéza ma di-nos é rial
O, primavera
Pamodi ki veron sa dura tantu, dura tantu p'e txiga
Leba-m nha téra, nkontra nha korason
Ki na seténbru, na seténbru, o-o, dexa-m, dexa-m
O, primavéra
Pamodi ki veron sa dura tantu asin pa txiga?
O, primavéra
Leba-m, leba-m nha téra, o-o
O, primavéra
Leba-m, leba-m, leba-m
