وحدن بيبقوا، متل زهر البيلسان وحدهن، بيقطفوا وراق الزمان بيسكروا الغابة، بيضلهن متل الشتي يدقوا على بوابي، على بوابي
يا زمان يا عشب داشر فوق هالحيطان ضويت ورد الليل ع كتابي برج الحمام مسور وعالي هج الحمام، بقيت لحالي، لحالي
يا ناطرين التلج، ما عاد بدكن ترجعوا؟ صرخ عليهن بالشتي يا ديب، بلكي بيسمعوا
وحدن بيبقوا، متل هالغيم العتيق وحدهن، وجوهن وعتم الطريق عم يقطعوا الغابة وبإيدهن متل الشتي يدقوا البكي وهن على بوابي
يا زمان من عمر فيّ العشب ع الحيطان من قبل ما صار الشجر عالي ضوي قناديل وأنطر أصحابي مرقوا وفلوا، بقيت ع بابي لحالي
يا رايحين والتلج، ما عاد بدكن ترجعوا؟ صرخ عليهن بالشتي يا ديب، بلكي بيسمعوا يا رايحين والتلج، ما عاد بدكن ترجعوا؟ صرخ عليهن بالشتي يا ديب، بلكي بيسمعوا
