N lavanta loge sede N po pe na txon
N ba pa kais akustável trabaiá na vapor
Bóina na kabésa, kalsa ratxóde na juei
Kamiza sen boton pa gatxá jiada
Kapatás falá: Oxe ka ten lugar
Ba bo ben dia kinze trabaiá na pakete
Sange ferve-m na veia, korason saltá
N txorá N txorá pa N ka pta-l na mar
Onte N ka jantá inda N ka mata injun
N ten dzasete tiston i mei na fuksin
Ki ka ta da nen pa N bibê pa skisê
Rafin ten kinze ón, el ta parsê ten dés
El seí de kaza diazá, nunka más el voltá
Nha Juninha vra dode, seí na mundu ta spiá-l
Dipos el konsolá, el konformá tanbê
Se kaxóte di ngraxa ta da dinher pa sinéma
Kónde ta sobejá el ta durmi ma Xanda
Pa un óra da tarde el ta ba pa kortel
Kmê kmida ki sobrá i k'es ka ptá fóra
El ta fumá se falkan, el ta jgá se burrinha
Te de nutinha si parsê plisa el ta fjí
Pa banda de Matióta, Furtin, Txan de Likrin
O el ta ba pa sinéma oiá un fita kolker
Nunka el deta nun kama, nen el ba pa skóla
El ta txoká na pluridin
El ba dos ves p'alberge
Ma el pude fjí da la
El ten raiva de jente rike, plisa ma stranjer tanbê
Nha jente, asin é vida
Asin é piór ke bitxe na txiker
É óra de lavanta kabésa i po abuzu na se lugar
S'é pa vivê sin ta morrê tudóra
Morrê duma ves ta luta pa vida
Kóntra fóm i dzenprege, injustisa, mizéria
Kóntra splorason, kóntra upurtunismu
S'é pa vivê sin ta morrê tudóra
Morrê duma ves ta luta pa vida
Kóntra fóm i dzenprege, injustisa, mizéria
Kóntra splorason, kóntra upurtunismu
S'é pa vivê sin ta morrê tudóra
Morrê duma ves ta luta pa vida
Kóntra fóm i dzenprege, injustisa, mizéria
Kóntra splorason, kóntra upurtunismu
