Ajépa iporã, Mburicaó, ko nde purahéi
Ahendúvo osyry mba'e porãita pa'ûme
Guyraita ñe'ê ndererohory
Sauce rakã puku puku ojero'áva nde'ári
Amambái, culantrillo ha helechoita
Yvytu peju kangymíme oñemyatimóivo
Oñakaityrõguáicha nemomaitei
Yvoty ka'aguy neañua
Arroyo piro'ysã porã
Ita ygáu ha yvyku'i morotî ári
Resyry ñeno pytu'úvo rehóvo
Ka'aguy ryakuãvurei pa'ûme
Mávapa ndéicha, Mburicaó
Ko yvy apére oikóva otyryry
Akói, arroyo porã
Resyry kangymíva, chemomandu'a
Ajárõ guare ndeypýpe
Romokunu'û kirirîhapemi
Ita sarambi apytégui
Arokañynguévo ko nde purahéi
Nahi'ãiva'ekue chéve
Chemopirîmbávo rohendu jave
Mburicaó
Reguerokañyva'ekue
Kuehe che vy'a'ỹ
Mburicaó
Reroñapymiva'ekue
Che ãnga syry tyaipa
Mba'e iponderapýva
Ñaña ndoikuaávai
Mboriahu ysyry
Ndéveko péina apagáta
Chembo'ehaguére
Ko nde purahéi
Ajéipo oiméne otro ndéicha
Ko yvy apére
Oikóva otyryry
Ipúpe nanembojojái
Mbói chini ni ama
Ni campana porã
Mburicaó
Reguerokañyva'ekue
Kuehe che vy'a'ỹ
Mburicaó
Reroñapymiva'ekue
Che ãnga syry tyaipa
Laralalá, laralalá
Laralalá, laralalá
Mburicaó
