Japáy, tetãgua
Pehendu tetãgua purahéi
Pyhare ku ijapyra'ỹva
Aretémaningo oiko
Ñane retãmíme oñuã
Ha pytûmbýpe oguereko
Márõpa (márõpa) nipoku osêta
Kuarahy (kuarahy) amo ñu pahápe
Ñandejopévo hatápe
Ñanemombaymi hag̃ua
Purahéi pyahu ndojejokovéi
Yvytu jurúpe ipotypaite
Oparupiete ñanembohory
Ñanemo'ag̃ui ja'évo ojupe
Peteî ñe'ême jaikopa hag̃ua
Tavy, tyre'ỹ
Mboriahu, ñembyasy pepoguýpe
Aretéma jaiko
Ha akói oñoirûndie
Ñorãirõ reípe ñande ruguypa
Ha'evémante jake (ha'evémante jake)
Ha maymáva Paraguái (maymáva Paraguái)
Japaymi ha ñapu'ã
Ha upéi jasapukái
Iñapysê ko'êtî
Pytã, morotî, hovy
Ñande poyvi joguaha
Osêma la kuarahy
Hesakã porãitéma
Ñande rape pyahurã
Pehendúke, tetãgua
Ñapu'ã jasapukái
Opahápema pytû
Viva el nuevo Paraguay
Viva el nuevo Paraguay
Viva
