Fiansa
Na nha tera inda n' ten speransa di vivi un dia
N' ka pudi nguenta e lundjusi, ku n' lundjusi di bo
A! Guine
Guine nha tera
Pa mas diritu ke n' sintau na stranjeru
Suma na bo i ka djuntu de
I ka djuntu, n' sibi me i ka djuntu
Pa mas sabi ke n' sta na tera di guinti
Suma na bo i ka djuntu
I ka djuntu, n' sibi me i ka djuntu
N' disdja bu karinhu
N' disdja bu amor
Sedi iagu di Pindjiguiti ki n' tene
Ami n' misti sinta na bo, Guine
Pa n' pudi barsau
Bisau, pa mata sodadi
Fidjus di Guine, abos ke sinta na tera
Ku distinu de povu na mon
Bo para djunda-djunda, bo lanta bo tarbadja
Pa ka nhu estin nali bos
Si nali bos, bo na nhani
Tarbadju di kunpu tera i garandi
(Iaio, bo pega tesu) Bo lanta bo tarbadja
Pa ka nalidura di estin pega bos, o!
Ke ma n' na punta
Ke ku n' na punta bos, o!
Pabia di ke ku disintindimenti ten na tera?
Pabia di ke ku no ka pudi kunpu no tera?
Pabia di ke ku disintindimenti ten na fidjus di kil un mama?
Ai, Guine, no foronta!
Kada dia ku pasa, nha sufrimentu i garandi
Ali nha tera na lundjisi
Guine, Guine, pa sintidu nganan
Kada dia ku pasa, n' fala bos
Nha sufrimentu i garandi dimas
Ali nha tera na lundjisi
I na lundjisi di mi
Ke nha ermons, o, no djunta no falas
Pa no pidi Deus son pa Guine
Pa e para dja, o!
Pa e para dana Guine!
Pa e para dja, o!
Pa e tene dur de povu ku kansa!
Nha tera, nha tera
Ka bu lundjusi di mi
N' misti barsau pa n' teneu pertu di mi
Ka bu lundjusi di mi
Un dia n' na riba la pa n' sinta na bo
Ka bu lundjusi di mi
Guine di mi, Guine di nos
Ka bu lundjusi di mi
Bo para dja!
