friahra semma jaga gwen
mit pfeil & bogn & fållnstelln
de mama is dahoam ban foia ghuckt
späta håmma häusa baut
und glei drauf wieda niedaghaut
warum des håt ins eigentlich nia gjuckt
nåchand semma kriaga wordn
håbn gschossn sen mitn pånza gfåhrn
ållweil auf n sprung und vorn vorån
an de 100.000 jåhr
då is so glafn erhlich wåhr
a månn is hålt a månn is hålt a månn
åba sågts wås is heit aus ins wordn?
a haufn metrosexuelle softi-modl-nårrn!
neama fluachn spuckn schwitzn
staubsaugn & ban schiffn sitzn
sågts ma wia weit sollt des gånze geah?
fehla zuagebn redn stått schlågn
wånns d nix kapierst am end no frågn
wia sollt des a manaleit vasteah?
ins hätt s de chromosomen längst vadraht
gabats nid des ållaletzte männer-reservat
auf da autobåhn is a månn no a månn no a månn
auf da autobåhn geahts ållweil glei vorån
auf da autobåhn wo a månn no a månn sein kånn
auf da autobåhn huckts viehch hinterm volant
gas gebn übaholn und schneidn
en finga zoagn und årschloch schrein
mir schåltns hirn aus und mir låssn knålln
dränga hupn aufblendliacht
schau wia se der scheißa fiacht
ban fåhrn då låss ma ålle maskn fålln
då is essig mit evolution
wånn ma mitn auto fåhrn regierts testosteron
auf da autobåhn........
då stellts ins glei auf ståmmhirn-modus ein
und des scheiß bewusstsein funkt ins endlich neama drei
auf da autobåhn ........
in richtign lebn a staubsauga-vatreta
auf da autobåhn da is a topspeed-terminator
auf da autobåhn........
