eines sonntags frühmorgens
går zeitig in da friah
nimmt da biker sei radl
und en schutz fi de knia
er kennt jå de weg und steig
fi sei neis moutainbike
wohl im gebirg
und er fåhrt frisch und munter
über wiesen und flur
ållweil höher und steiler
wohl der bergwertung zua
er schnauft und schwitzt
tuat fåst scho speibm
schålt nid zruck auf d große scheibn
er is hålt a månn
und glei nåch da kurvn
über m lärchnwåld scho
steht auf oamål a schrånkn
und a taferl hängt drån:
es radlfåhrn is nid erlaubt
weils so laut is und so staubt
und überhaupt
und da biker werd grantig
und sågt: des id nid recht
weil der wåld ghört uns ålle
wurscht ob herr oder knecht
und wås a echter biker is
håt vor nix und neamand schiss
und fåhrt wo a wü
und er fåhrt oanfåch weiter
schneidig aufrecht und gråd
weil er is hålt no oana
der sein bikerstolz håt:
es lebe hoch die bikerei
schrankenlos und ewig frei
bis in den tod
und a kloans stücke weiter
hinter m gamskoglgråbn
jå då huckt scho da ferschta
auf sein suzuki obn
gach kimmt eahm via åls wa då wås
er nimmt s zeiss&jena-glås
und schaut ins gesträuch
und er siahgt glei den biker
und er håt n glei kennt
an seim neonfårb-outfit
weil des håt n fåst blendt
er holt no schnell sein hund und legt
sich auf d pirsch glei nebn an weg
gånz still und stat
und da biker kimmt zuawa
und da ferschta springt auf
und des tragische schicksål
jå des nimmt hålt sein lauf
wås du tuast des derf nid sei
deshålb fåhrst du hiatz voll ein
weil hiatzt zoag i di å
und da ferschta måcht ernst und
er frågt nåch sein nåm
und da biker sågt: ferschta
auf den wårtst du lång
er draht gånz oanfåch s radl um
fåhrt davon mit einem schwung
und daschreckt den kloan hund
und da hund is a jågdhund
und er tuat wås er muaß
er sellt glei den biker
und er zwickt eahm in fuaß
der biker schreit: i glab i spinn
kimmt mitn radl in a rinn
und fliagt in an gråbn
und den ferschta druckts gwissn
und en biker druckts knia
es neie outfit is zrissn
er is aufgschürft åls wia:
ferschta liaba ferschta mei
bind mir die wunden ein
und pick ma n påtsch
und ferschta sågt: biker
kimm i nimm di gach mit
glei dåhintn ban hochstånd
då steht glei mei jeep:
bevor i mit an ferschta fåhr
hupf i liaba ehrlech wåhr
auf oan fuaß ins tål
kruzefix nochamål
