Na bella luggetella a Marechiaro,
cu 'a tènna e 'a luce elettrica p' 'a sera;
Teresenella cu 'e bbraccelle 'a fore,
s'abbraccia nu palummo e guarda 'o mare…
e, a ll'aria fresca 'e nu tramonto d'oro,
na voce 'nterr'â rena ca suspira:
"Glu-glu-glu…
comm' 'o palummo i' só'
e 'a notte, ''mbracci'a me,
na turturella si'…"
Canta! Canta!
Canta chi vò' cantá…
Chest'è 'a canzone d''a felicitá.
Nu juorno, nu vicchiotto cu 'e denare,
cercaje a Teresenella pe' mugliera…
Dicette 'a mamma d'essa: "Quant'onore…"
E 'o pate, 'a copp''a mano: "Che piacere!…"
Ma, 'e notte, se sentette dint''o scuro,
cchiù doce, 'a stessa voce,
'mmiez' 'o mare:
"Glu-glu-glu…
comm''o palummo i' só'
e tu, abbracciata a me,
na turturella si'…"
Canta! Canta!
Canta chi vò' cantá…
Chest'è 'a canzone d' 'a felicitá.
'A sera d' 'a parola…Ammore! Ammore!
'A sposa scumparette… e bonasera!>
Sudava friddo 'o viecchio e, p''a tintura,
s'era 'nguacchiata 'a faccia nera nera!…
E pe' Surriento, sott' 'a luna chiara,
felice, suspiravano duje core:
"Glu-glu-glu…
come il colombo io sono
e la notte, in braccio a me,
sei una tortorella…"
Canta! Canta!
Canto chi vuole cantare…
Questa è la canzone della felicità.
