In gesprek, in gesprek
In gesprek, in gesprek
'k Wette neet wat zo'k of mo'k
En da's noo mien gebrek
In gesprek, in gesprek
In gesprek, in gesprek
Kan neet veur of achteruut
Den pieptoon mek mi-j gek
At zee mien vrog: he'j ok idee
Kump der raegen, kump der snee
Vi-j de koffie ok zo duur
Betaal i-j ok zo volle huur
Hoo late geet den lesten trein
En smek 't bier nog effen fijn
En as i-j wilt dat ik nog blief
Of is 't ow allemaole aeven lief
Dan zaejt zich twiefel in mien kop
't Is daorum dat ik bel
Heb i-j misschien een antwoord
Op de vraogen dee ik stel
En 's aovends late veur de buis
Dan steet e meestieds op de Pruis
Maor van den Duutsen trammelant
Heb ik feitelek gin verstand
Dan kump den Engelsen d'r veur
En meteen zeppe ik deur
Dan zit ik toch zo ongewis
Dan wet ik watkeers neet wa'k mis
En somstieds is 't haost te slim
Dan he'k gin ende, gin begin
Dan zit 't vel mien te strak
En ik stote mi-j an 't dak
Alles kump mien zo te nao
Da'k der van an 't zweten gao
En i-j zit thuus en ik zit hier
As een opgeslotten dier
