Mandrongo bai CV
Forti passa sabi
Tá dadu kafe
Bariga d’atum
Trazidu kus-kus
Matadu djudjun
Pontxi di tambarina
Grogu Sintanton
Fritadu moreia
Fervedu bongolon
Kel bom keju di kabra
Bom doxi papaia
Kel vinho di vulcon
Farta dixi Praia
Torna subi Assomada
Dixi Tarrafal
Ba ladu Calheta
Garoupa dja fartal
Panha avion pa Sal
Ba Santa Maria
Ben Soncenti, carnaval
Fika pa Baía
Dja podu batuku
Festa noti manxi
Serenata tocatina
Bitori e Ntoni Sanches
Forti passa sabi
Mandrongo ta bai CV
Forti passa sabi
Esmoregal pilon
Catxupa ku languisa
So pretu raskon
Só preta lorisa
Dje pega, dje brasa, dje leba
Pe ba flal dos kusa
Dje badja, dje bebi, dja kumi, disikumi, dja pupa, dja djata ti ki abusa
Ta fladu fasi dretu fika um poku, fasi tortu ba kel ora
Ma dje dura ta fasi mo ke kre, sen eskusa
Dja fla mo ki orta ta regadu
Dja fla mo ki kasa ta labantadu
Dja fla mo ki aula ta dadu
Dja fla mo ki tartaruga ta salvadu
Dja fla tudu pamodi el ki sabi
El ki ben ku diploma d’Oropa
Dja kumpra sal, dja kumpra Boavista
Alal ta kumpra Maio, alal ta kumpra Mar
Pamodi el ki ben ku kaxexi d’Oropa
Atika ê txiga na Lisboa
E ba ta basofia ma Kauverdi ê sabi, ma kauberdianu ê mansu
Ma forti morabeza, P’Oropa
Será kes ta konfundi Morabeza ku bakandeza
Será ki a nos nu ta konfundi Morabeza ku nosentesa
Mandrongo ta bai CV, forti passa sabi
A nos nu txiga li, uai uai, Forti kau ka sabi, uai uai
Matadu kuku, ku putu Mussu
Agridi LBC, pega Mamadou
Xinta na Kulaudia, Lebanu Candé
Lebanu Giovani, pa fika si me - pa fika si me
Matadu kuku, ku putu Mussu
Agridi LBC, pega Mamadou
Xinta na Kulaudia, Lebanu Candé
Lebanu Giovani, pa fika si me, pa fika si me
Mesti um formulario, 2 rigisto
3 ixtratu, 4 sertidon
5 assinatura, 6 comprovativu
7 markason
Mesti um formulario, 2 rigisto
3 ixtratu, 4 sertidon
5 assinatura, 6 comprovativu
7 markason, pa ser sidadon
Ten ki odja si tantu Morabeza ka Bakandeza
Pa ken ki tratanu ku tantu runheza
Porta abertu, tudu kusa riba meza, so morabeza
Pa ken ki ta tratanu ku tantu runheza
Ten ki odja si tantu morabeza ka bakandeza
Pa ken ki tratanu ku tantu runheza
Porta abertu, tudu kusa riba meza, ta da moleza
Pa Ken ki ta tratanu ku tantu runheza
