S.P.I.C.E

Intro-duction

Gimme a S (S, S)
Gimme a P (P, P)
Gimme a I (I, I)
Gimme a C, to the E

A mi name Grace Hamilton
A little poor girl from Old Breaton
Used to walk beg ride, and now mi buy van
From zero doller to 'bout couple million
St. Catherine High School mi get mi education
Nah lie, mi go through nuff sufferation
House burn down flat, I was a homeless woman
Granddad say: Gracie, come live a England
Bounty give me di first mic inna mi hand
Mash up Sting at 16, par with Ninjaman
Then, mi gone pon tour, a suh mi meet Baby Cham
Him and Dave Kelly mek me get mi first hit song
Memba, me is a girl, mi nuh fight ova man
After that, a nuff hits mi can't even mention
Mi father Polofin, him was mi inspiration
Him used to mek mi DJ like Nuts di veteran

Gimme a S (S, S)
Gimme a P (P, P)
Gimme a I (I, I)
Gimme a C, to the E
Gimme a S (S, S)
Gimme a P (P, P)
Gimme a I (I, I)
Gimme a C, to the E

Wait, mek mi talk 'bout Romping Shop
Di collab weh put mi pon the world map
Kartel used to carry mi inna taxi pon him lap
That's why mi seh Gaza until mi breath stop!
Dah album yah due from 2009
So VP can vex if mi talk mi mind
Mi woulda reach further if dem did drop it pon time
Couple more album from di time mi sign
Nah watch nuh face, still a push and go through
Badda dan nuff woman, and nuff man too!
When it come down to show, mi dominate right through
Queen a di stage, nah fi ask a who!
Big up mi son, Nicholas
Nicholatoy, mi kids dem come fuss!
That's why mi a trod and a keep mi focus
'Cause the industry will mek yuh walk and cuss!

Gimme a S (S, S)
Gimme a P (P, P)
Gimme a I (I, I)
Gimme a C, to the E
Gimme a S (S, S)
Gimme a P (P, P)
Gimme a I (I, I)
Gimme a C, to the E

Every year mi get hits pon hits
Best Female, 7 years straight mi win it
Indicator, Sheet, and then So Mi Like It
Needle Eye, Cool It, and Conjugal Visit
Rewind little and mek we go back
Mi broke internet so don't forget that!
Black Hypocrisy, that did have di place lock
Proud a mi color, yeah, mi proud fi be black!
That was a little piece a mi story
Best thing mi do a when mi link with Shaggy
Sign with Ranch, now him a mentor me
Now a time fi me tek it and create history
Cah mi bad to di bone to mi chocolate tone
Mi hear dem a moan, nuff a dem a run around
Undisputed, queen to mi zone
Comfortable, well siddung inna mi throne

A wah, di riddim done already?
Gimme di next one!