Pédra pédra
Di pardueru, di obelisku, di kapéla, di pirámidi
Pédra pédra
Di jadi, de xadres, di konstruson, di vulkon
Pédra pédra
Di enxofri, di sal, di asukar, di un pedrada
Pédra pédra
Di Buda, di moinhu, di mula faka i spada
Pédra pédra
Di spuma di mar, di algun lugar di lua
Pédra pédra
Fundamental, divina, filozofal, presióza
Pédra pédra
Di Pedru, di Sisifu, di Jezús, di Madalena
Pédra pédra
Skulpidu, laskadu, polidu, roladu
Pédra pédra
Ngabadu, sustedu, nkunhadu pértu di nkunha-l
Pédra pédra
Na sapatu, na bolsu, na mon, riba kabesa
Pédra pédra
Di alisersi di pula i salta, di brinka i trinka
Pédra pédra
Di pédra pardu pa arde pértu
Pédra pédra
Pértu prata pédra ngrata
Txan di Pédra, pédra, kóntra pédra
Pédra pédra
Ki péna pédra npena kristal di água
Pédra pédra
Baxu di água móli
Korason de pédra
Pédra riba pédra
Pédra sinplis pédra
Pédra bruta pédra
Brita pédra podre
Grita un póbri podri
Nen k'é pa pédra podri
Un póbri pode grita
Pédra pédra
