Ken ki po-m na mundu txoma Zita
Kelotu si padás txoma Dimingu
Ki da-m nobidadi foi Nha Ninha
Ki anunsia na kutélu é rapasinhu!
Sima si donu toi odju brazinhu
Dos koba na kexada, é malandrinhu
Es manda buska odju di purgera
Vizinhu da si galu katxur peladu
Pamó mininu é ses di partu dozi
Ta txoma dia di séti fitisera
Si antis di Kristu N ka finkadu stera
A! mestri Nhonho fla-l pa salta el
Un négru benzedu i otu foi prezu
Na pronunsiason éra Mandéla
Kumesa t'odja mundu a pretu i branku
I mesmu arku-da-bédja a karbon
Na sis lápis di kor i alguns baton
I mundu dexa di sta na se mon
Titia Bibinha ben ku ses orónha
Partera ku se rol di padja-l xá
E fla nhos korda nhos da-m pa N da banhu
Pa libra-l di sina di manhan
Midjór nu ba ta po-l un talisman
E Zita, anton, labanta di se dor
Eeee... nhos dixa-m nha fidju durmi!
