Felicissima sera
A tutte sti signure 'ncruvattate
E a chesta cummitiva accussí allèra
D'uommene scicche e femmene pittate
Chesta è na festa 'e ballo
Tutte cu 'e fracchesciasse sti signure
E I', ca so' sciso 'a copp o sciaraballo
Senza cerca' 'o permesso, abballo I' pure
Chi so'?
Che ve ne 'mporta!
Aggio araputa 'a porta
E so' trasuto ccá
Musica, musicante
Fatevi mórto onore
Stasera, 'mmiez'a st'uommene aligante
Abballa un contadino zappatore
No, signore avvocato
Sentite a me, nun ve mettite scuorno
Io, pe' ve fá signore, aggio zappato
E sto' zappanno ancora, notte e ghiuorno!
E so' duje anne, duje
Ca nun scrive nu rigo â casa mia
Vossignuría se mette scuorno 'e nuje
Pur'I' mme metto scuorno 'e 'ossignuría
Chi só'?
Dillo a 'sta gente
Ca I' songo nu parente
Ca nun 'o può caccia'
Musica, musicante
È bella ll'allería
I' mo ve cerco scusa a tuttuquante
Si abballo e chiagno dint " a casa mia
Mamma toja, mamma toja se ne more
'O ssaje ca mamma toja more e te chiamma?
Meglio si te 'mparave zappatore
Ca 'o zappatore nun s " a scorda 'a mamma
Te chiamma ancora: "gioja"
E, arravugliata dint " o scialle niro
Dice: " mo torna, core 'e mamma soja
Se vene a pigliá ll'ùrdemo suspiro "
Chi só'?
Vuje mme guardate?
Só' 'o pate, I' sóngo 'o pate
E nun mme pò cacciá!
Só' nu fatecatóre
E mangio pane e pane
Si zappo 'a terra, chesto te fa onore
Addenócchiate, e vásame sti mmane!
