De oele en de fleddermoes, de joagers van de nacht
Rond t Klooster en t Boshuus doar spoukt n vrumde macht
t Is n gaist uut verleden tied of n olle noorse trol
dij woakt noast oele en fleddermoes
Hier op Westerwolle
As minsen sloapen, daip in nacht din gait de venne open
Op Ter Börg in störm en wiend, woar kebouters lopen
De hoasen rennen as hoasen, de ree blift stokstief stoan
t Spouk laacht zok de schompes, as minsen sloapen goan
t Is gaist uut verleden tied, ain verdwoalde trol
Dij woakt noast oele en fleddermoes
Hier op Westerwolle
t Is biegeleuf roupt elkenain... mor minsen t is echt woar
De vos dij de passie preekt, het hom zain.... joa doar
Hai vrat n zwaade koater, n kadde van De Vries
De bonken heb k zain in t Tempelbos, harregat wat leek dat vies
t Is n gaist uut verleden tied of n olle noors trol
Dij spoukt/woakt noast oele en fleddermoes
Hier op Westerwolle
